વીણા મલિક અશ્મિત પટેલ સાથે લગ્ન કરે તેવી શકયતા

 બોલિવુડના ફલોપ અભિનેતા અશ્મિત પટેલ પાકિસ્તાનની અભિનેત્રી વીણા મલિક સાથે લગ્ન કરે તેવી શકયતા છે. બન્નેના લગ્નને લઈને ચર્ચા છેડાઈ ગઈ છે. એવુ જાણવા મળ્યું છે કે અશ્મિતના પરિવારના સભ્યોએ વીણા મલિક સાથે લગ્ન કરવા માટે લીલીઝંડી આપી દીધી છે.

બન્ને વચ્ચેના પ્રેમની ચર્ચા બિગ બોસ શો વેળા જ શરૂ થઈ ગઈ હતી. શો ખતમ થયા બાદ વીણા મલિક અશ્મિત પટેલના જન્મદિવસની પાર્ટીમાં હાજરી આપવા માટે પહાચી હતી. સાથે સાથે સ્પેશિયલ ટ્રીટમેન્ટ આપવામાં સફળ રહી હતી.

વીણા મલિક લાંબા સમયથી ભારતમાં રહે છે. થોડાક સમય પહેલા એક પત્રકાર પરિષદમાં વીણા મલિકે કહ્યું હતું કે તે અશ્મિતને પસંદ કરે છે. તેને પ્રેમ કરે છે. તે સૌથી વધારે વખત અશ્મિત પટેલને જ ફોન કરે છે.

હાલમાં લગ્નની બાબતને લઈને બન્નેએ ચુપકીદી સાધેલી છે. સુત્રોએ કહ્યું છે કે થોડાક દિનસ પહેલા એક પ્રાઈવેટ પાર્ટીમાં અશ્મિત પટેલે વીણાને પોતાને ઘરે બોલાવી હતી. જયાં તેના માતાપિતાએ વીણાને પસંદ કરી લીધી હતી. 

અશ્મિત પટેલને લગ્ન કરવાની મંજૂરી આપવામાં આવી હતી.